Bi armanca bîranîna sê jinên şoreşger Sakîne Cansiz, Fîdan Dogan û Leyla Şaylemez, bi tevlêbûna bi hezaran kurdistanî û dostên wan li Parîsê meş û mîtîng tê lidarxistin
Ji bo sê jinên şoreşger ên kurd Sakîne Cansiz, Fîdan Dogan û Leyla Şaylemez ku di 9’ê çileya sala 2013’an de li paytexta Fransayê Parîsê hatibûn qetilkirin, ev hefteyeke çalakî tên lidarxistin. Çalakî û bîranînên îsal bi dirûşma ‘Êdi ji 7 salên bêcezaê re bes e’ tên organîzekirin.
Çalakiya herî qelebalix a ku ji aliyê TJK-E’yê ve tê organîzekirin, îro li Parîsê bi meşê dest pê kir. Meş saet di 11:00’an de li Gare Du Nordê dest pê kir û dê li Qada Rebûplîqûe bi mîtîngê bidawî bibe.
Bi hezaran kesên ku piranî jin û ciwan in serî de ji Almanya, Swîsre, Fransa, Belçîka, Hollanda, Awusturya û Ingilistanê bi otobus, tren û wesayîten taybet herikîn Parîsê. Di meşê de girseya gel li cem pankart û dovîzan, wêneyên Sakîne Cansiz, Fîdan Dogan û Leyla Şaylemez hildan û bi dirûşman dewleta tirk û hikûmeta Fransayê protesto dikin.
Tevî ku bi belgeyan derket holê komkujî ji aliyê MÎT’a tirk ve hatiye kirin, tu hewldaneke nehate kirin. Kurdistanî nerazîbûn nîşan didin û bi meşa îro re daxwaza hiqûq û edaletê nû dikin. Li gel kurdan, gelek fransî jî beşdarî meşê bûn. Gelek nûnerên partiyên ku li Parîsê xebatan dikin beşdarî meşê bûn û peyamên piştevaniya bi gelê kurd re didin.
Li Gare Du Nordê bi hezaran kes kom bûne û bê navber bi dirûşman dixwazin ku komkujî were ronîkirin. PARÎS
