Platformê Demokrasî û Kede yê Dêrsimî bale ante ser ke Dêrsim de 5 menganê peyênan de 4 serebûtê îstîsmarî qewimîyayî û îfade kerd ke na rewşe tesadufî nîya sîstematîk a
Platformê Demokrasî û Kede yê Dêrsimî Pêrtag de derheqê îstîsmarê zaf domananê lajan de eşkerayîyêke daye.Zaf kesî tewrê eşkerayîye bîyî û eşkerayîye hetê Aytuna Kara ra ameye wendene.
Eşkerayîye de ame vîrvistene ke efûkerdişê cezaya îstîsmarî keno ke îstîsmarkerdiş bibo zêdêr. Kara vat: “Qezaya Pêrtagî ya Dêrsimî de 5 mengan de 4 serebûtê îstîsmarî ameyî meydan. Rewşa welatî zî bi kilmêk wina ya. Seba ke îstîsmarê vera domanan û cinîyan bêrê vergirewtene ganî cezayî bêrê girankerdene. No zî bi rayîrê paştdayîşê cinîyan ê bi yewbînan beno. Ma wazenê ke hukmkerdişê sucanê vera cinîyan û domanan bi hawayêkê adîlane bêrê ercanayene. Nê sucê îstîsmarî hînî bîyî sîstematîk.”
Derheqê dosyaya dewaya îstîsmarî ya Pêrtagî de bira nimite esta. Kara vera na bire nêrazîbîyayîşê xo mojna û ard ziwan ke zanayîşê dewa pêro rêxistinanê cinîyan û domanan reyde bêrê parekerdene. DÊRSIM
