Hepsîya nêweşe Nurcane Bakir ke grevê vêşanîye yê vera tecrîdî ra dima ameye surgunkerdene xo kişte
Nurcane Bakir a ke 28 serr ê ke ameyêne tepiştene çalakîya grevê vêşanîye ra dima Zîndanê Genze ra surgunê Zîndanê Balikesîrî ameye kerdene. Bakire seba ke teda protesto bikera xo kişte. Îdareyê zîndanî serê sibayî keyeyê Bakire rê xebere daye û va: “Odaya xo de xo kişta.” Cenazeya Bakire wedarîyaye Dezgehê Tipa Edlî (ATK).
‘Ez do bêveng nêmana’
Bakire (47) ya ke 2 serrê ci mendbî ke bêra veradayene û seba ke nêweşa girane bîye muracatê Mehkema Heqanê Merdiman a Ewropa kerd vizêr bi rayîrê telefonî keyeyê xo reyde qisey kerd. Ama parekerdene ke Bakire keyeyê xo ra vat a do vera nê zulmî bêveng nêmana û her roje hewnê xo de domanê ke yenê qetilkerdene vînena.
Keyeyê aye seba cenaze şî Balikesîr. Cenaze dewa Kayakdere ya qezaya Omerî ya Mêrdînî de do bêra definkerdene. BALIKESÎR
