Komxebata Yekitiya Neteweyî ya Xebata Tifaqa Kurdistanî di roja duyemîn de didome. Tê payîn ku encama nîqaşên komxebatê dê îro saet di 16.00’an de bi daxuyaniyeke çapemeniyê bi raya giştî re bê parvekirin
Xebata Tifaqa Kurdistanî ji bo ku diyarkirina nexşerêya xwe ya yekitiya neteweyî ya kurd, duh bi tevlêbûna Kongreya Civaka Demokratîk (KCD) û 8 partiyên din ên kurd li Amedê ‘Komxebata Yekitiya Neteweyî’ dabû destpêkirin. Komxebat di roja duyemîn de didome.
Di komxebatê de hevserokên KCD’ê Leyla Guven û Berdan Ozturk, hevserokên giştî yên Partiya Herêmên Demokratîk (DBP) Saliha Aydenîz û Keskîn Bayindir, aktîvîstên Tevgera Jinên Azad (TJA), siyasetmedarê kurd Ahmet Turk, nûnerê DDKD, PÎA, KKP, PDK-Bakur, PDK-T, Partiya Azadî û hevserokê HDP’ê Sezaî Temellî jî amade bûn.
Di komxebatê de nîqaşên der barê modêla nexşerêyê berdewam dikin. Xebata Tifaqa Kurdistanî dê îro saet di 16.00’an de encama nîqaşên xwe bi daxuyaniyekê ji raya giştî re aşkera bikin. AMED
