Yewînanê antî-teroran ê HSD Dêrazor de bi operasyonêkê Ebû Elwer El Iraqî bêtesîr kerd ke El Iraqî berpirsîyarê petrolî yê DAIŞî yê Dêra Zorê bî
Merkezê Îrtîbatî yê Hêzê Sûrîyeya Demokratîke (HSD) derheqê hêrişanê dewleta tirke û operayonêkê yewînanê înan ê antî-teroran de zanayîşî dayî.
Eşkerayîya HSDyî wina ya:
“Artêşa tirkî ya dagirkere û cergê înan têgêrayîşanê xo yê keşfî û bombardûmanan bêmabên dewam kenê. Na çarçewe de
13ê çeleyî de artêşa dagirkere û cerganê înan dewa Mişrefa û dewanê dormeyan ser o bombayî varnayî.
Artêşa tirkî ya dagirkere û cergan bi hawan û obusan dewanê Seyda, Elhoz, Erîda, Bîr Kîno, Îbrahîm El-Kurdî, Merdûda, Xirbit Begerî û rayîrê M4î ser o bombayî varnayî. Netîceyê nê bombardûmanî yê 15ê çeleyî de şerwanêkê ma bi giranî birîndar bî. Şerwanê ma birînê xo ra şehîd bî. Bombardûman de zerarê madîyî zî resayî hemwelatîyanê herême ser.
Yewînanê ma yê antî-teroran 14ê çeleyî de Dêrazor de vera cergêkê bi nameyê Ebû Elwerd El Iraqî yo ke berpirsîyarê petrol û peredayîşê hucreyanê DAIŞî bî operasyonêk kerd. Nê operasyon de bi cewabdayîşê cergan şer qewimîya. Netîceyê şerî de Ebu Elwerd El Iraqî û cergêk ameyî kiştene. Heman wextî de dest nayîye tay cebilxaneyan û dokumanan ser.”
