Li Îzmîrê di çarçoveya lêpirsînek hat destpêkirin de 12 HDP’yî hatin binçavkirin
Serdozgeriya Komarê ya Îzmîrê lêpirsînek da destpêkirin. Di çarçoveya vê lêpirsînê de li Îzmîr, Eskîşehîr, Konya û Mêrdînê derbarê rêveberên HDP’ê de biryara binçavkirinê hat dayîn. Polîsan li Îzmîrê bi ser gelek malan de girt. Di serdegirtina malan de Hevseroka HDP’ê ya Navçeya Konaka Îzmîrê Hayat Îzgî, rêveberên HDP’a Îzmîrê Ramazan Efendîogûllari û Mustafa Koyuncu jî di nav de 12 kes hatin binçavkirin.
Rêxistina HDP’ê ya Îzmîrê têkildarî binçavkirina daxuyaniyek nivîskî weşand û diyar kir ku îktîdara AKP’ê li dijî HDP’ê êrîşek topyekûn daye destpêkirin û dê AKP nikaribe têkoşîna wan têk bibe.
Navê kesên hatine binçavkirin wiha ne: Hayat Îzgî, Ramazan Efendîogûllari, Mustafa Koyuncu, Yahya Kezer, Kemal Aslan, Nezîr Aras, Hamît Sari, Gulseven Turgal, Salîh Huldur, Sultan Demîroglû, Yaşar Sizici, Mehmet Degîrmen. ÎZMÎR
