Gerîlayê HPGyî Mustafa Bozyil o ke êlula 2018î de Dêrsim de şehîd kewt, cenazaya ci badê 17 aşman dîyaye keyeyê ci
Gerîlayê HPGyî Mustafa Bozyil (Armanc Taylan) o ke êlula 2018î de Dêrsim de şehîd kewt, cenazaya ci badê 17 aşman memleketê ci Amed de ameye definkerdene.
Qezaya Mazgêrdî ya Dêrsimî de 29ê êlula 2018î de pêkewtişêk de gerîlayê HPGyî Mustafa Bozyilî cuya xo vînî kerde. Keyeyê Bozyolî semedê girewtişê cenazaya xo muracatê Sazîya Tibê Edlîyî (ATK) kerd. 8 aşmî badê testê DNA cenaza ameye teşhîskerdene. Keyeyê Bozyolî 4 rojî dima ke cenaza ameye teşhîskerdene cenazaya xo girewte û memleketê ci qezaya Hêni ya Amedî de defin kerde. Cenaza şewe Goristanê Derelî de binê ablûqayê polîsan de ameye definkerdene. AMED
