Şubeyê Stenbolî yê Komeleya Kulturê Pîr Sultan Abdalî (PSAKD) û Federasyonê Elewî Bektaşî (ABF) Kadikoyê Stenbolî de hêrişê nîjadperestî yê ke her rojê vera ewlewîyan zêdîyene protesto kerdî.
Kadikoy de rayerîya Şubeyê Stenbolî yê Komeleya Kulturê Pîr Sultan Abdalî (PSAKD) û Federasyonê Elewî Bektaşî (ABF) rêxistinê elewîyan ameyî têhet û polîtîkaya hêrişakere ya îqtîdarî ya vera şaran û îtîqatan şermezar kerd.
Çalakîya ke binê ablûqayê polîsan de ameye viraştene de bale ame antenê hêrişan vera elewîyan ser û nê ameyî pare kerdene: ”Ma her roje bi hêrişê vera elewîyan dest pê roje kenê. Her roje berê keye û îbadexaneyanê ma yenê nîşankerdene û ma bi mergî yenê tehdîtkerdene. Ma ewro vera nê hêrişan ameyî têhet û reyna semedê hemwelatîya seyîye qîrenê. Têna semedê îtîqatî nê ma vera heme nêheqîye û bipaykerdişê heqanê vejîyenê.
Dima ke Şaredarîya Bajarê Pîlî ya Stenbolî de bi rayanê AKP-MHPyî statuyê cemxaneyan ame redkerdene Sultanbeylî de vera cemxaneyî hêriş ame kerdene. No çîyo ke manîdar o. Ma naye eşkera vejê çew nêeşkeno qerar bido ke ma ça de îbadet kenê. No hadê çewî nîyo. Xora êyê ke îtaqatê ma çîn hesibnenê ganî reyna çirey îfade mekerê. No vera ma hêrişêko bîn o.
Êyê ke nayî kenê ma înan şermezar kenê. Ma xora zanayene ke êyê ke semedê rey girewtiş cemxaneyan zîyaret kenê, wazenê elewîyanê xo biafernê û dirî yê. Înan ke nêzanayene ê zî musayî. Ewro roje roja vîrardişê hemwelatîya seyyewbîn a. Ganî no waştişê ma bêro fermîkerdene. Ma do semedê destfînayîşê heqanê xo xoverdayîşî rê dewam bikerê.” STENBOL
