Taxa Sergelya ya qezaya Çinarî de Muhammed Velî Dumez o 8 serrî wextêkî ra nata vînbîyaye bi. Dumez keyeyêkê wêranî de sey birîndarê giranî ame dîyene û dima wefat kerd
Taxa Sergelya ya qezaya Çinarî ya Amedî de şewa bîne Muhammed Velî Dumezo 8 serrî vîn bibi. Dumez keyeyêkê wêranî de bi hawayêkê giranî birîndar ame dîyene. Dumez ame berdene bi Nêweşxaneyê Dewlete yê Bismilî û uca de wefat kerd.
Derheqê serebutî de tehqîqatêk dayîye destpêkerdene. Ame parekerdene ke rî û bedenê domanî de rêçê derban estbî. Ame zanayene ke çarçewa tehqîqatî de xal, dewijêk û dezayê domanî seba ke îfade bidê ameyî berdene bi qereqolê cendirmeyan. Cenazeya Dumezî seba otopsî ameye berdene bi Amedî. AMED
