Avûkatanê Buroyê Asrinî seba qedexeyê pêvînayîşê Rayberê PKKyî Abdullah Ocalanî û tepişteyanê bînan muracatê Mehkema Qanûnê Bingeyî kerd
Goreyê xebera MA avûkatanê Buroyê Asrinî derheqê pêvînayîşê Rayberê PKKyî Abdullah Ocalanî, Omer Hayrî Konar, Hamîlî Yildirim û Veysî Aktaşî de ke Zîndanê Îmraliyî de tepişte yê 17ê çeleyî de muracatê Mehkema Qanûnê Bingeyî kerd.
Avûkatan pare kerd ke heqê hukmkerdişê adîlane yê muwekîlanê înan ame binpaykerdene û waşt ke heqê ke ameyî binpaykerdene do bêrê tesbîtkerdene.
Muracat de ame vatene: “Mabênê 5 mengan de bi hawayêkê sîstematîkî 3 reyî muwekîlê ma ameyî cezakerdene. Mabênê 15 mengan de zî 5 reyî cezaya dîsîplînî ameyî dayene. Waştişê dosyayan ê avûkatan ame redkerdene. Bi nê hawayî pêro heqî ameyî binpaykerdene.”
Reyna bale ameye antene serê tecrîdê vera Rayberê PKKyî Abdullah Ocalanî û ame vatene ke 7ê temmuza 2019î ra nata avûkatanê xo de pêvînayîş nêkerd. Tepişteyê bînî yê ke Îmrali de yê ê zî seke ameyî Îmrali hema avûkatanê xo de pêvînayîş nêkerd. Avukatan vat vera muvekîlanê me qanûnê Tirkîya pîya bi qanûnê mîyanneteweyî yeno binpaykerdene. STENBOL
