Seba ke PKK bi hawayêkê fermî Misir de bêro şinasnayene dewayêke ameye akerdene. Dewa de ame waştene ke ganî Wezîrê Ekonomîyî, Serekwezîr û Wezîrê Karanê Teberî yê Misirî dewa de amade bibê
Misir de kesêkê bi nameyê Mecdî El Kurdîyî seba batalkerdişê peymana ekonomîkî yê mabênê Misirî û Tirkîya Qahîre de dewayêke akerde.
El Kurdîyî akerdişê dewa de pare kerd ke ”Seba ke na peymane ra Tirkîya warê ekonomîyî de zaf fayde vînena ekonomîyê Misirî xirab kena, Tirkîya bi nê pereyan çek, bombayan virazena û hetkarîya terorîstan kena. Naye ra yeno waştene ke wa Misir na peymana ekonomîyî seba Tirkîya vindarno”
Dewa de ame parekerdene ke Erdogan têna vera ereban şer nêkeno vera kurdan zî şer keno. Seba ke têkilîya mabênê kurdan û Misirî têkilîyêka tarîxî ya, dewleta Misirî her tim hetkarîya kurdan kena.
El Kurdîyî bale ante nê çîyî ser ke Mehkema Belçîka bira daye ke PKK partîyêka terorîste nîya, PKK seba heqanê xo yê serekan şer keno. Dewa de ame waştene ke bi nê hawayî Misir zî qebul bikero ke PKK têgêrayîşêkê azadîye yo û bi hawayêkê fermî PKK reyde têkilîye bêra ronayene û seba PKKyî buroyêk zî bêro akerdene.
Mehkema dewa qebul kerde. Roniştişê dewa 10ê sibate de do bêro dîyene.
