Birayê Rêberê Gelê Kurd Abdullah Ocalan, Mehmet Ocalan û wasiyê wî Mazlum Dînç, ji bo ku li Îmraliyê bi Ocalan re hevdîtinê bikin, serî li Serdozgeriya Komarê ya Bursayê dan.
Di heman demê de ji xizmên girtiyên din ên li Îmraliyê birayê Omer Hayrî Konar, Emîn Konar, birayê Hamîlî Yildirim, Polat Yildirim û xwişka Veysî Aktaş, Melîhe Çetîn û keça wê Eylem Çetîn bi rêya parêzerên xwe ji bo hevdîtinê serî li dozgeriyê dan.
Hêjayî bibîrxistinê ye ku ji 12’ê tebaxa 2019’an ve hemû serlêdanên malbatan an nayên bersivandin an jî ji hêla Serdozgeriya Komarê ya Bursayê ve bi hincetên cuda tên redkirin. STENBOL
