Hepsîyê Zîndanê Tîpê Myî yê Çewlîgî vizêr vera caardişanê xiraban û binpaykerdişanê heqan werîştî payan ser. Merdimê hepsîyan zî verê zîndanî de ameyî pêser û paştî daye protestoyî
Hepsîyê Zîndanê Tîpê Myî yê Akerde û Qefilnayeyî yê Çewlîgî vizêr vera caardişanê xiraban çalakî viraşte. Hepsîyan pê hesna ke heme heqê înan yenê binpaykerdene û vera neheqîye werîştî payan ser.
Merdimi hepsîyanê ke paştî daye çalakîya protesteyî verê zîndanî de ameyî pêser û eşkerayîya çapemenîye kerde. Merdimê hepsîyan bi slogananê: ”Mudir wa îstîfa bikero, Çewlîg tîya de yo mudir ca de yo?” qîrayî û fîtik cinayî. Hepsîyan zî bi çapikan pencrayan ra paştî daye.
Bi nameyê grûbe merdimê tepişteyî Saddam Balatî qisey kerd. Balatî bale ant ser ke mudirî se ra 50 zîndan girewto binê kontrolê xo vat: ”Bi caardişanê keyfîyan heme heqê hepsîyan yenê binpaykerdene. Ma tîya ra veng danê Wezaratê Edaletî wa problemanê zîndanê çareser bikerê.”
Badê protestoyî Serdozgerê Çewlîgî Fatîh Çobanî zî eşkerayîyêke daye û vat zîndan de serewedartiş çîn o û merdimê hepsîyan ke verê zîndanî de ameyî pêser hetê hêzanê asayîşî ra ameyî vilakerdene. ÇEWLÎG
