Konferansa Tevgera Jinên Azad (TJA) duh bi tevlêbûna 700 delegeyên ji gelek bajarên Kurdistan û Tirkiyeyê li Amedê bi dirûşma ‘Em jin in ji bo azadiya xwe hene. Ji bo guhertinê li ser pêyan e’ dest pê kir. Konferans du roja duyemîn de didome. Di konferansê de pêkhateyên TJA’yê, endamên rêxistinên jinan ên Herêma Federal a Kurdistanê û Ingilistanê, nûnerên saziyên jinan, gelek nûnerên saziyên sivîl (STK) , endamên Meclisa Dayikên Aştiyê û gelek jin amade bûn.
Jinên ku bi kelecaneke mezin tevli konferansê bûn kincên xwe yên gelêrî û neteweyî li xwe kirin. Li aliyekî jî zextên polîsan ên li ser jinan berdewam dikin. Polîsên ku hatin eywana konferansê, xwestin kompîturên jinên li salonê desteser bikin. Lê li ser bertekan polîs neçar man ku paşve gav biavêjin.
Konferans di roja duyemîn de ji çapemeniyê re girtî berdewam dike. AMED
