Merkezê Xeberan]
Dezgeyê Îstatîstîkî yê Tirkîya (TUÎK) û Sîstemê Qeydê Nufusî ê Goreyê Adresan (ADNKS) dayeyanê xo yê serra 2019î eşkera kerdî. Goreyê dayeyan nufusê Çewlîgî de goreyê serra verên hezar û 393 kesî kêmî bîyî. Nufusê Çewlîgî serra 2018î de 281 hezar û 205 bî, la serra 2019î de bîyo 279 hezar û 812.
Goreyê dayeyan nufus de hûmara camêrdan 141 hezar û 818î ya û ya cinîyan zî 137 hezar û 994 ya. Na gore Çewlîg de hûmara camêrdan 3 hezar û 824 ya cinîyan ra hîna zêde ya.
Nufusê merkez zêdîya û yê dewan kêmî bî
Eşkerayî de ame vatene ke 179 hezar û 821 nufusê Çewlîgî bajar û qezayanê merkezî de cuyenî û 99 hezar û 991 kesî zî belde û dewan de cuyenî.
Serra 2018î de 168 hezar û 180 kesî bajar û qezayanê merkezî de cuyayêne. Dew û beldeyan de zî 113 hezar û 25 kesî cuyayêne.
Dayeyê nufusê qezayan
Eşkerayî de ame dîyarkerdene ke nufusê merkezê Çewlîgî 164 hezar û 835, ê merkezê bajarî 123 hezar û 958 û ê dewan zî 40 hezar û 877 kesî yo.
Nufusê qezayan:
Azarpêrt: 8 hezar û 550
Dara Hênê: 34 hezar û 181
Kanîreş: 29 hezar û 174
Gêxî: 4 hezar û 578
Bongilan: 33 hezar û 655
Xorxol: 2 hezar û 21
Çêrme: 2 bin 818.
