Teyaraya Boeing 737 ya ke 2yê înan dergûşî, 6ê înan muretebatî û 175ê înan raywanî bi temamî 183 kesî estbî, Sabîha Gokçen de wexto ke amayêne war pîstî ra vejîyaye û bîye 3 parçeyî.
Qezayî ra dima ekîbê AFADî, îtfîyayî û Servîsê Lezabezî yê 112yî sewqê cayê serebûtî bîyî. Tay raywanî wexto ke teyara vinderte berê vejîyayîşî yê lezabezî ra vejîyayî, tay raywanî zî hetê ekîban ra ameyî vetene. Raywanê birîndarî ameyî berdene bi nêweşxaneyan. Teyara do Îzmîrî ra biamayêne Îstanbul.
Wezîrê Weşîye Fahrettîn Kocayî zî da zanayene ke qeza de 3 kesan wefat kerd û 3ê înan bi hawayêkê giranî 179 kesî birîndar bîyî.
Walîyê Îstanbulî Alî Yerlîkayayî derheqê qezayê teyara de eşkerayîye kerde û îfade kerd ke teyara semedê şert û mercanê xiraban ê hewayî ra pîstî ra vejîyaye, qasê 50-60 metreyan erdî ra kaş bîye û berzîya qasê 30 metreyan ra ginaye erdî ro.
Hetê medyaya tirke ra yeno parekerdene ke teyara de hema zî kesî estî. Reyna dîyeno zanayene ke teyara de kesê xerîbî estî la heta nika nameyê înan û neteweyê înan nêameyî eşkerakerdene. STENBOL
