Navenda Nûçeyan |
Operasyona hêzên Rûsya û rejîma Sûriyeyê ya ji bo kontrolkirina bajarê Idlibê ji artêşa tirk a dagirker û komên çete yên girêdayî wê bênavber didome. Di vê çarçoveyê de hêzên rejîmê di nava çend rojan de gelek gund ji hêzên dagirker stendin. Hêzên rejîmê ku ev çend roj in ber bi bajarokê Seraqibê ve diçûn, duh derbên giran li hêzên dagirker xistin.
Li gorî nûçeyan SANA’yê ku ajansa fermî ya Sûriyeyê ye, hêzên rejîma Sûriyeyê piştî şer û pevçûnên giran ketin bajaroka Seraqîb a girêdayî Idlibê. SANA’yê ragihand ku yekîneyên artêşa rejîma Sûriyeyê li bajarokê dest bi paqijkirina mayin û teqemeniyan kirin.
Hêjayî bibîrxistinê ye ku bi kontrolkirina bajarokê Seraqibê re 3 noqteyên çavdêriyê yên artêşa tirk jî dikevin dorpêça hêzên Rûsya û rejîma Sûriyeyê.
