Qezaya Sarayî ya Wanî de vewrês ginabi mînîbusêke û wesayîtêkê karî ser û 5 kesî merdbi 6 kesî zî birîndar bibî. Tîmê xelisnayîşî wexto ke cigêrayîş kerdêne vewrêso diyîne gina înan ser û heta nika cenazeyê 41 kesan binê vewre ra ameyî vetene. Badê 3 rojan rayîrê herêma vewrêsî ame padayene
Qezaya Sarayî ya Wanî de 4ê sibate vewrês ginabi mînîbusêke û wesayîtêkê karî ser. Hedîse de 5 kesî merdbi, 6 kesî birîndar bibî û 2 kesî zî binê vewre de mendbi. Wexto ke tîmê xelisnayîşî û hemwelatijî cigêrayîşê xelisnayîşî kerdêne vewrêso diyîne gina înan ser. Vewrêso diyîne de nizdîyê 50 kesî binê vewre de mendî. Heta nika cenazeyê 41 kesan binê vewre ra ameyî vetene. Hedîse de zêdeyê 100 kesî zî birîndar bîyî. Ame zanayene ke yewîyê xelisnayîşî ke maben dabî cigêrayîşan, serê sibayî reyna xebatanê xelisnayîşî dayî destpêkerdene. Sewbîna badê 3 rojan rayîrê herêma vewrêsî ame padayene.
Ame zanayene ke xebata seba vînayîşê xebatkarê cigêrayîşî Mehmetcan Taşdemîrî ke binê bunyeya Serekîya Daîreya Adirhewnakedişî ya Şaredarîya Bajarê Girdî ya Wanî de karê adirhewnakerdişî kerdêne zî dewam kena. WAN
