Navenda Nûçeyan |
Krîza aboriyê ya li Tirkiyeyê her ku diçe kûrtir dibe. Ji ber krîza aborî, hêza kirînê ya welatiyan kêm bûye û hejmara bêkaran milyonan derbas kiriye. Ji ber bêkarî û bûhabûna her tiştî, bûyerên xwekuştin û şewitandinê jî li Tirkiyeyê zêde bûne. Bi heman sedemê niha jî li Hatayê welatiyekî xwe şewitand.
Li gorî agahiyan, li navçeya Antakya ya bajarê Hatayê, welatiyê bi navê A.Y. ku ev demeke bêkare li pêşiya walîtiyê xwe şewitand. A.Y. li pêşiya walîtiyê got; ‘Zarokên me birçî ne’ û çalakiya xweşewitandinê pêk anî. Hat zanîn ku A.Y. ji ber bêkariyê ketiye rewşeke nebaş û serî li vê rêbaza çalakiyê daye. A.Y. li ser mudaxaleyê hate rizgarkirin.
Piştî bûyerê jî A.Y. axivî û diyar kir ku zarokên wî birçî ne û ji ber bêkariyê pêvajoyeke zehmet dijî. A.Y. rakirin Nexweşxaneya Dewletê ya Hatayê.
