Merkezê Xeberan]
Nêweşîya Vîrusê Korona ke bajarê Çînî yê Wuhanî ra vejîya û heta nika vilayê 27 welatanê bînan bîye, her ke şona vila bena. Goreyê dayeyanê peynî Çîn de hûmara kesê ke nêweşîya Vîrusê Korona (2019-nCoV) ra cuya xo vindî kerdî vejîyaye 724 kesan. Heta nika tena 2 kesê teberê Çînî de vîrus vera cuya xo vinî kerdî. Goreyê xeberan hûmara kesê ke vîrusî ra tesîr bîyî zî vejîyaye 34 hezar û 569 kesan. Vîşêrê Çînî, Hong Kong de yewêk û Fîlîpînî de zî 2 kesî vîrusê korona ra merdî.
Yeno vatene ke Çîn de 2 hezar û 109 kesî û welatanê bînan de zî 36 kesî nêweşîya Vîrusê Korona ra baş bîyî.
