Li navçeya Hezex a Şirnexê di 7’ê sibatê de di bin navê ‘Em li gel hev, li gel Idlibê ne’ civînek hat lidarxistin. Ji civîna hat lidarxistin re qeymeqamê Hezexê ku wekî qeyûmê tayînî şaredariya Hezexê hat kirin Zafer Sax pêşengtî kir, Şaredarê bajaroka Deştdarê Abdulkadîr Balca, yê Bajaroka Erbanê Halef Înan û Mudurên saziyan, saziyên sivîl û esnaf tev li bûn.
Di civînê de hat aşkerakirin ku Şaredarê Bajarokê Erbanê di bin navê kampanyaya alîkariyê de soza ku ji bo Idlibê 50 ton êzin bişîne daye. Piştî fermana hevşaredar di heman rojê qirkirina daran hat destpêkirin û êzingên ji darên hatin birîn li ber şaredarê hatin komkirin.
Her wiha hat diyarkirin ku Şaredarê Bajaroka Deştdarê yê AKP’yî Abdulkadîr Balca jî dê ji bo Idlibê 5 milyar TL bibexşîne.
Di daxuyaniya qeymeqamtiyê de ku li ser malpera qeymeqamtiyê hat weşandin de jî alîkariya sotemenî û pere ku wê bê kirin, hat piştrastkirin. ŞIRNEX
