2. roniştişê doza hemşaredarê Şaredarîya Bajarê Girdî ya Amedî Selçuk Mizrakliyî ke serê îfadeyê Hicran Berna Ayverdîye ra 22ê Teşrîna Verêne de ame tepiştene û 15 serrî cezaya zindanî ci rê yena waştene, do siba 9. Mehkemaya Cezaya Girane ya Amedî de bêro vînayene. Mizrakliyî ra bi îdîayê ‘Endamîya rêxistine’ ra 7 serr û 6 aşmî ra heta 15 serrî ceza yena waştene. Mizrakli do Zindanê Tîpa T2 yê Qeyserî ra bi rayîrê SEGBÎSî tewrê mehkema bibo. AMED
