Keyeyan eşkera kerd ke doktorêka cinîye ya ke servîsê xelisîyayîşî yê Nêweşxaneyê Dewlete yê Colemêrgî de xebitîyena bi seyan cinîyanê diganan rê vat: ”Pitikê to astengdar o, ganî ma to ra bigêrê.” Keyeyan ard ziwan ke na doktora cinîye seba ke nîjadperest a, waşta ke pitikan cinîyan ra bigêra.
Keyeyan gerreyê doktore kerd la derheqê doktore de tehqîqat nêame kerdene û doktore hema zî wezîfeyê xo dewam kena. Seba ke na doktore cinîyanê diganan rê vat ke pitikê înan astengdar ê zaf cinîyan muracatê nêweşxaneyanê Wanî kerdbi. Nêweşxaneyanê Wanî de vejîya werte ke pitikê nê cinîyan astengdar nîyê.
Mêrikêkî wina qala serebûtî kerde: ”Doktore cinîya mi rê vat ke pitikê ma astengdar o ma zî şîyî Wanî. Wan de vejîya werte ke pitikê ma astengdar nîyo. Ma zanenê ke na doktore bi zanayîşî wina vana. Armancê aye kiştişê domananê ma yo. A doktor nîya kiştox a.”
Cinîyêka bîne vat: ”Na doktore ma rê vat ke pitikê mi astengdar o. La pitikê mi de nêweşîyêke zî çin a. A wazena domananê ma bikişa. Doktor nîya, nîjadperest a. Colemêrg de sey mi keyeyê mexdurî estî. Ma gerreyê doktore kerd la netîce eşkera nêbîye.” COLEMÊRG
