Êlih de roniştişê 13. yê doza muxabîra Ajansê Xeberan ê Dicle (DÎHA) ke bi Qerarnameyê Hukmê Qanûnî (KHK) ame qefilnayene Şerîfe Oruçe 2. Mehkemaya Cezaya Giran ya Êlihî de ame vînayene.
Roniştişê doze de derheqê Şerîfe Oruçe de bi îdîaya ‘endamîya rêxistene’ qerarê tepiştişî ame girewtene. Oruçe 5ê temmuza 2016î de ameyebî tepiştene û 10 temmuza 2018î de bi şertê kontrolê edlî serbest ameybî veradayene. Avûkatê Oruçe Mesut Aydin tewrê roniştişî bî.
Heyetê mehkema bi mehneya Oruçe şertê kontrolê edlî ca nêarda, derheqê aye de qerarê tepiştişî daye.
Mehkema qerar da ke dozger mutalaya xo amade bikero û dima ra roniştiş taloqê 12ê gulane kerd. ÊLIH
