Osman Kavala dewaya Gezî ra beraat kerd labelê tehqîqatê ‘Teşebbusê darbeya 15ê Temmuze’ ra newe ra ame destbendkerdene. Kavala Mehkemeya Cezaya Sulhe ya Stenbolî rê ame teslîmkerdene û nuşteyê sewqkerdişî de tay sucdarîyî seba ci ameyî kerdene.
Ame îdîakerdene ke Kavalayî waşto ‘Bi teda sîstemê qanûnê bingeyînî yê dewleta Komara Tirkîya bivurno’ û waştişê tepiştişê ci ame kerdene.
Serekê Heyetê Îdareyî yê Komeleya Kulturî ya Anadolu û Karsaz Osman Kavala dewaya xoverdayîşê Gezî de 18ê sibate de ameybî veradayene. Kavala 28 mengî sey tepişte mend. Ameyêne pawitene ke nêro veradayene labelê Serdozgerîya Komare ya Îstanbulî şan heman roje bira destbendkerdişê ci daye.
Daîreyê Destpêkî yê Heyetê Mehkeme û Dozgeran zî derheqê Serekê Mehkeme Galîp Mehmet Perk de ke bira veradayîşê dewaya Gezî daye û derheqê endamanê mehkeme Ahmet Tarik Çîftçîoglu û Talîp Ergen de ke destûrê cigêrayîşî û tehqîqatî da.
Çarçewa bire de do bêro cigêrayene ke bira veradayîşî de ‘kêmasîye’ esta yan ney. Raporê mufetîşî ra dima zî derheqê heyetê mehkeme de bire do bêra dayene. STENBOL
