Li bajarê Hanaû yê Almanyayê duh êvarê du êrîşên çekdarî pêk hatin. Tê gotin ku ji ber êrîşê 11 kes mirine.
Li gorî nûçeyên çapemeniya alman, êrîşkar destpêkê avêtiye ser klûbeke nargîleyê ya li taxa Heumarktê. Piştre jî li devera Kesselstadtê ket navendeke bi navê Arena Bar û gule li derdorê reşand.
Li gorî agahiyan, 9 kes di êrîşê de hatine kuştin.
Li gorî agahiyan bersûcê êrîşê welatiyekî alman ê nîjadperest Tobîas R. ye û serê sibehê li mala xwe tevî cesedekî din mirî hate dîtin.
Tobîas R. beriya êrîşê nameyek li pey xwe hişt û tê de nivîsî ‘Biyaniyên ku nepêkan e ji Almanyayê bên dersînorkirin divê bên îmhakirin’.
Êrîşkar serê sibehê tevî cesedê kesekî din li mala xwe mirî hate dîtin.
Hate ragihandin ku piraniya kesên jiyana xwe ji dest dane kurd in. HANAÛ
