ŞIRNEX |
Hamza Arzûman (22) ê 17 salî bû di dema qedexeya derketina derve ya li navçeya Silopya Şirnexê de hatibû girtin û 15 sal cezayê hefsê lê hatibû birîn. Arzûman niha li Girtîgeha Tîpa E ya Gumuşhaneyê tê ragirtin bi telefonê malbata xwe re axivî. Arzûman ji malbata xwe re ragihand ku ji ber jimartina li ser pêyan qebûl nekirine wan xistine hucreya yekkesî.
Arzûman ê bi dayika xwe Bedriye Arzûman re axivî wiha gotiye: “Di hucreyekê de 3 kes hene. Gardiyan dixwazin mîna leşkeriyê li ser pêyan di rêzê de jimartinê bikin. Herî dawî gardiyanan bi ser qawîşê de girt û xwest girtî mîna nîzama leşkeriyê bijimirên. Girtiyan vê yekê qebûl nekir. Li ser vê yekê girtiyan avêtin hucreyên yekkesî.”
Arzûman da zanîn ku ji roja kurê wê sirgûnî wê girtîgehê kirine zext û gef li wan tên kirin û ji bo rewşa lawê xwe û girtiyên banga hestiyariyê li raya giştî kir.
