Kongreya Tabîye ya 4. ya Partîya Demokratîke ya Şaran (HDP) salona sporî ya Anqara de dest pêkerde. Weçînayîşê diwanî ra verî Hetkarê Hemserekanê HDPyî Azad Barişî qisey kerd.
Barişî vat: ”Ma ewro kombîyayîşêkê zaf manadarî kenê. No kombîyayîş wa her kesî rê cewab bo. Ma selam kenê Serhedê Amedî ra heta Ewropa, Awustralya û Kurdîstanî. Sozê ma to ke HDP do ser bikewê, şar do ser bikewê.”
Dima dîwanê kongre ame weçînayene. Seba hemserekîya dîwanî zî parlamentere Tulayee Hatîmogullari û Mehmet Ruştu Tîryakî ameyî weçînayene. Tulaye Hatîmogullari nameyê dîwanî ser o qisey kerd û vat: ”Nika welatê ma de xizanîye bîye zêdêr, şîdetê vera cinîyan bi zêdêr. Zînhîyeto ke bi şîdetî nêçareserîya meseleya kurdî ferz keno Sûrîye de, Iraq de şer ferz keno. Ma sey şar bêçare nîyê. Çare hêzê demokrasîyî ya, sînerjîya înan a.
Selam bo xoverdayîşê Îmraliyî, Kandira, Edîrne û pêro zîndananê nê welatî ke xo ver danê.”
Mehmet Tîryakîyî zî îfade kerd ke kongre do biba kongreya hêvî û pêkerdişî. Kongre de seba qurbananê têkoşînê azadîye û demokrasîyî deqayêkê rêzgirewtişî ame kerdene. Kongre bi qiseykerdişê Hemserekanê Pêroyî yê HDPyî dewam kena. ANQARA
