Platformê Cinîyan ê Dêrsimî bi eşkerayîyêke programê xo yê 8ê Adare Roja Cinîyan ê Kedkeran ê Dinya eşkera kerd û semedê tewrbîyayîşî veng da.
Eşkerayîya ke banê Konfederasyonê Sendîkaya Kedkaranê Rayapêroyî (KESK) de ameye dayene pabesteyê platformî û xeylêk temsîlkarê partîyanê sîyasîyan û dezgehan tewrê ci bîyî. Hemsereka Partîya Demokratîke ya Şaran (HDP) ya Dêrsimî Nurşate Yeşîle ke eşkerayîye de qisey kerde va ‘Ma na roje Gulîstane Doku û heme cinîyan ê ke ameyî vindîkerdene rê dîyarî kenê.’ Eşkerayîye de bale ancîya hêrişê vera cinîyan her tim zêdîyenê û ame vatene ke ê do vera şîdetê camêrd-dewlete çirey çok nêde û xoverdayîşê xo gird bikerê.
Programê 8ê Adere yê cinîyan ê Dêrsimî yo ke do 27ê sibate de Pirdê Dînarî yo ke cigêrayîşê Gulîstane Doku dewam kenê de bêro destpêkerdene wina yo:
*27ê sibate: Verê Unîversîte ra saete 12.30 de ver bi Pirdê Dînarî rayraşîyayîş û eşkerayîya çapemenîye.
*28ê sibate: PTT ra do saete 11.00 de cinîyan ê tepişteyan rê kartî bêrê şawitene,
*5ê adare: Dewan de co cinîyî bêrê zîyaretkerdene, ca Kuçeyê Sanatî, saete 10.00
*6ê sibate: Zîyaretkerdişê cinîyan ê xebatkaran, ca Kuçeyê Sanatî, saete 12.00. Têhetameyîşê Cinîyan ê Gazîkî, saete 14.39.
*7ê adare: Qiseykerdiş, ca Dad. saete 14.00.
*8ê adare: Têhetameyîşê Cinîyan, ca Kuçeyê Sanatî, saete 12.00. DÊRSIM
