Navenda Nûçeyan |
Wezîrê Karê Derve yê Rûsyayê Sergey Lavrov bi Wezîrê Karê Derve yê Luksemburgê Jean Asselborn hevdîtinek pêk anî û piştî hevdîtinê civîna çapemeniyê li dar xistin û geşedanên li Idlibê nirxand.
Lavrov di nirxandina xwe de ev tişt anî ziman: “Di rojeva me ya hevdîtina Luksemburgê de Sûriye, Lîbya û geşedanên li Rojhilata Navîn û Bakurê Afrîkayê û gelek mijarên din hebûn. Rûsya destek dide diyalogên ji bo Sûriye û Lîbyayê. Em li benda hemû aktorên derve ne ku hurmetê nîşanî serwerî û parastina axa van welatan bikin. Helbet di 2011’an de qaşo piştî Bihara Ereban ku dest pê kir terorîstên serî rakirin me ne alîgirin bi wan re lihevkirin pêk were.”
Lavrov anî ziman ku ji bo rageşiya li Sûriyeyê bi dawî bibe di nava hewldanan de ne û ew hêj girêdayî mutabakatên li gel Tirkiyeyê yên ji bo Idlibê pêk werin de ne û da zanîn ku divê Tirkiye muxalîfên li herêmê ji terorîstan cuda bike.
Ger wiha Lavrov da zanîn ku Serokê Dewletê yê Rûsyayê Vladîmîr Pûtîn û Serokkomarê Tirkiyeyê Tayyîp Erdogan îro bi înîsiyatîfa Enqereyê bi rêya telefonê hevdîtinek pêk anîne û di hevdîtinê de li ser geşedanên li Idlibê axivîne û behsa sepandina mutabakata Idlibê kirine û ragihand ku di navbera Moskova û Enqereyê de peywendî ango hevdîtinên têkildarî Idlibê jî didomin.
