Piştî ku vîrûsa korona ya li Çînê derkete holê û belavî gelek welatan bû, li Îranê jî bi lez rê li ber mirinan vedike û her diçe belav dibe.
Li Îranê hejmara kesên ji ber vîrûsa koronayê mirin gihişte 34’an, hejmara kesên bi vîrûsê jî ketine gihişte 388’an. Li gorî daxuyaniyên ji aliyê meqamên Îranê ve hate kirin di nava kesên bi vîrûsê ketine alîkarê Serokkomarê Îranê û gelek parlamenter jî hene.
Berdevkê Wezareta Tenduristiyê ya Îranê Kiyanûş Cîhanpûr bi daxuyaniya ji bo çapemeniyê hate dayîn, li gorî wê li gelemperiya welat hejmara kesên ji ber vîrûsa Covîd-19’an mirine derket 34’an, 388 kes jî bi vîrûsê ketine.
Cîhanpûr destnîşan kir ku ji duh ve hejmar kesên mirî 8, kesên bi vîrûsê jî ketine 134 kes lê zêde bûne, her wiha 73 kes jî rewşa wan baş bûye.
Hate ragihandin ku vîrûsa ku bi lez belav dibe li gelemperiya welat di nava kesên bi vîrûsê ketine de alîkarê Serokkomarê Îranê û 6 parlamenter jî hene.
Endamê Heyeta Serokatiya Meclisa Îranê Muhammed Elî Vekîlî li ser hesabê xwe yê twîtterê daxuyaniyek da û piştî ku 2 parlamenter bi vîrûsê ket û şûnde nêzî 30 wekîlên din test kirin.
Vekîlî navê wekîlên mijara gotinê aşkera nekir û wiha got: “Li gorî testên vîrûsa koronayê, ji 30 hempîşeyên me yên li meclisê heta niha 4 test pozîtîf derketine.”
Piştre Alîkarên Wezîrê Tenduristiyê Îreç Herîrçî jî diyar kir ku parlamenterê Tehranê Mahmûd Sadikî, Serokê Komîsyona Polîtîkayên Derve û Ewlekariya Netewî ya Meclisê Mucteba Zunhar û herî dawî jî alîkarê Berpirsên Malbat û Jinan a Serokkomar Masûme Ebtîkar jî heye.
Li ser belavbûna vîrûsê ya bi wekîlan jî parlametoyê betlane ragihand.
Berdevkê Parlametoya Îranê Esedûllah Abbasî diyar kir ku serokê parlamentoyê hemû rûniştin betal kiriye û anî ziman ku dibe li parlamenoyê rûniştinên Wezareta Çandinî û wezaretên din jî bên betalkirin. TEHRAN
