Nerazîbûna têkildarî şewata li Îmraliyê ya 27’ê Sibatê didomin. Yekitiya Ciwanên Êzidî (YCÊ) û Yekitiya Jinên Ciwan ên Êzidî (YJCÊ) li gundê Borik ê ser bi Şengalê meşek li dar xistin û xwestin demildest hevdîtin bi Ocalan re pêk were.
Meşa ciwanan a bi sedan kes tev li bûn ji ber avahiya Meclisa Gel a Borik dest pê kir.
Di meşê de poster û wêneyên Rêberê Gelê Kurd Abdullah Ocalan hatin hilgirtin û dirûşmên ‘Bê Serok jiyan nabe’ û ‘Bijî Serok Apo’ hatin berzkirin.
Piştî meşê li ser navê girseyê daxuyaniyek hat xwendin.
Di daxuyaniyê de wiha hat gotin: “Li Girava Îmraliyê cihê ku Serokatî lê dimîne şewat derketiye. Heya niha em tu agahiyê ji Serok nagirin. Baweriya me bi daxuyanî û nûçeyên derew nayê. Pêwîst e hevdîtin bi Rêber Apo re bê kirin. Em weke ciwanên Apocî van nêzîkatiyên li hember Serokatî qebûl nakin. Ev nêzîkatî wê bibin sedema şer û bilindkirina têkoşînê.”
Di dawiya daxuyaniya YCÊ û YJCÊ’ê de bang li tevahiya ciwanan hate kirin ku heta agahiyek ji Rêberê Gelê Kurd Abdullah Ocalan bê girtin, dest ji çalakiyên xwe bernedin. ŞENGAL
