Platforma Em ê Cînayetên Jinan Rawestînin (KCDP), bîllançoya xwe ya tundî û qetilkirinên jinan ên meha sibatê aşkera kir. Li gorî rapora platformê, di meha sibatê de herî kêm 22 jin hatin qetilkirin û 12 ji van jinan jî bi awayekê bi guman jiyana xwe ji dest dane.
Di rapora ku hat aşkerankirin de ev tişt hat parvekirin: “Hinceta kuştina 15 jinan nehat tespît kirin, 2 jin ji ber aboriyê, 5 jin ji ber ku xwestin hevjînê xwe berdin û jinên din jî ji ber ku daxwaza hevaltiyê red kirin hatin kuştin. Heya ku kuştina jinan neyê tespîtkirin, wê darizandineke adîlane neyê kirin. Ev yek jî wê tundî û qetilkirinên jinan zêdetir bike.”
Her wiha di dewama raporê de ev tişt hat gotin: “Ji 21 jinên di meha sibatê de hatin qetilkirin, yek jê nehat zanîn ji aliyê kî ve hatiye kuştin, 8 jê ji aliyê hevjînê xwe ve, 3 jê ji aliyê hezkiriyên xwe ve, 3 jê ji aliyê lawên xwe ve, yek jê ji aliyê bavê xwe ve û yek jê ji aliyê hevjînê xwe yê berê ve hatin kuştin. 10 jin bi çekê, 9 jin bi amûrên birînê, 2 jin bi lêdanê û jinek jî bi fetisandinê hatin kuştin.13 jin di nava malê de, 3 jin li kolanê, jinek li otelê, jinek li araziyê û jinek jî li cihekê xalî hatin kuştin. 3 jin li ku derê hatin kuştin, diyar nebû.” STENBOL
