Bi bahaneya vilakerdişê medyaya komelkîye vera rojnameger Azîz Oruçî bi îdîaya ‘propagandaya rêxistine’ serra 2017î de dewa ameye akerdene û roniştişo 10. ê dewa Mehkemeya Cezaya Girane ya 10. ya Amedî de ame kerdene.
Rojnameger Oruç bi rayîrê SEGBÎSî Zîndanê Patnosî ra tewrê roniştişî bi. Dozgerîye waşt ke Oruç qasê 10 mengan ra heta 5 serran zîndan de bimano. Heyetê mehkeme bi îdîaya ‘propagandaya rêxistine’ cezaya zîndanî ya di serran û mengêke daye Oruçî. AMED
