Hepsîya doza Partîya Komunîste ya Maoîstan (MKP) Aysel Koça ke cezaya muebeto giran aye rê ameybî birnayene, Zîndanê Sîncanî yê Cinîyan de cuya xo vindî kerde. Rayîrberê zîndanî sere de keye û avûkatan rê vatî ke Koçe ‘întîhar kerda’. Avûkatê Koçe zî dîyar kerd ke badê otopsî do bêro eşkerakerdene ke Koçe întîhar kerda ya nê. Şûbeyê Anqara yê Komeleya Heqê Merdiman (ÎHD), seba ke xebere selahîyetdar û keye ra bigîro şî Dezgeyê Tibê Edlî (ATK). Koçe serra 2012î de bejahîyê Dêrsimî de netîceyê operasyonê leşkerî de ameyebî tepiştene û aye wext ra nata tepişte ya. ANQARA
