Merkezê Xeberan]
Her ke şona Îran de bîlançoya Vîrûsê Korona giran bena û vîrus bi lez vila beno. Ame zanayene ke vîrus resao heta zîndananê Îranî zî. Goreyê raporê sîteyê HRANAye (yê heqê merdiman ke vizêr ame weênayene) hûmara hepsîyê be bi vîrus kewtî zêde ya û zêdîyenî.
Goreyê raporî Zîndanê Urmiye de hepsîyo bi nameyê Mihemed Qenberdost bi Vîrusa Korona kewto û rewşa ci tehluke de ya. Sewbîna yeno vatene ke Zîndanê Qizilhisarî de zî 2 hepsî bi Vîrusa Korona kewtî. Rapor de yeno vatene ke Zîndanê Êvîn yê Tahranî de Vîrusa Korona hepsîyêk de ameyo tespîtkerdene û cuya xo vindî kerdo. Yeno vatene ke qismo ke no hepsî tede cuya xo vindî kerd de qismêk hepsîyê sîyasî grevê vêşanîye vera bêqewet bîyî û rîsk esto ke xeylê hepsîyî bi Vîrusê Korona bikewî.
Goreyê raporê HRANAye zîndananê Urmiyê, Sine, Xurimava yê Rojhelatê Kurdistanî û zîndananê Tehranê, Gurgan û xeylê zîndananê bînan yê Îranî de qismêk hepsî bi nêweşîya Vîrûsê Korona kewtî. Sewbîna kesê ke şikê vîrus bi înan de esto, zî estî.
Yeno zanayene ke zîndananê Îranî de cayo ke hepsîyê sîyasî tede yenî tepiştene de lazimîya hepsîyan ê bi doktoran kêm î û peygokerdişê selahîyetdaranê dewlete vera rîskêko zêde esto ke vîrus bil ez bila bibo.
