Merkezê Xeberan]
Nêweşîya Vîrusê Korona ke 12ê kanûna 2019î de bajarê Çînî yê Wuhanî ra vejîya raşte û heta nika vilayê 48 welatanê bînan bî. Sekreterê Pêroyî yê Rêxistina Weşîye ya Dinya (WHO) Tedros Adhanomî dîyar kerd ke pêroyê dinya de hûmara kesê ke Vîrusê Korona (Covid-19) ra merdî, 3 hezar û 110 a. Adhanomî da zanayene ke vîrus vilayê 48 welatan zî bîyo û wina va: “Xeylê welatanê dinya de merdimî bunyeya xo vera vîrusî de xurt kerdî. Labelê Vîrusê Korona newe yo. No vîrus sey ê bînan nîno dermankerdene. Heta nika dinya de 90 hezar û 893 kesî vîrus girewtî. Înan ra 3 hezar û 110ê kesî merdî. Vîrus vilayê 48 welatan zî bîyo. 122 welatan zî hema vîrûs nêameyo tespîtkerdene.
