Navenda Nûçeyan |
Çalakiyên şervanên Hêzên Rizgariya Efrînê (HRE) yên li dijî hêzên artêşa tirk a dagirker 3u çeteyên wê bênavber didomin. Di vê çarçoveyê de HRE’yê droneyeke bombebarkirî xist.
HRE’yê têkildarî mijarê daxuyaniyek da û ev agahî dan: “Hêzên me di 8’ê adarê li eniya Efrînê droneyeke bi bombe (Phontom 4) ya çeteyên dagirker anîn xwarê.”
Di berdewamê de jî HRE’yê ji bo encamên çalakiyên çend roj berê pêk anîn agahiyên nû dan û ev tişt destnîşan kir: “Di daxuyaniya duh de me ragihandibû ku di encama çalakiya sabotajê ya li 6’ê adarê li Efrînê hatibû lidarxistin de 2 çete birîndar bûne. Li gorî agahiyên ketin ber destê me, yek ji wan çeteyan di nexweşxaneyê de mirî ye. Artêşa dagirker êrîşên xwe yên bi çekên giran li heremê berdewam dike.”
