Saziya Statîstîkê ya Tirkiyeyê (TUÎK), daneyên bêkariyê yên meha kanûna 2019’an aşkera kir. Di kanûna 2019’an de li seranserê Tirkiyeyê hejmara kesên bêkar ên temenê wan ji 15’dan berjortir, li gorî heman mehê ya sala borî 92 hezar zêde bûye û derketiye 4 milyon û 394 hezar kesî. Rêjeya bêkariyê 0,2 zêde bûye û derketiye ji sedî 13,7’an. Bêkariya derveyî çandiniyê jî 0,2 zêde bûye û derketiye ji sedî 15,8’an. Rêjeya bêkariyê ya gelheya ciwan a temenê wan di navbera 15-24’an de li gorî meha kanûnê ya sala borî 0,5 poxan zêde bûye û derketiye ji sedî 25. Rêjeya xebitandinê jî 0,5 poxan kêm bûye û derketiye ji sedî 31,9’an. ENQERE
