Merkezê Xeberan]
Vîrusê Korona (Kovîd-19) ke 12ê kanûna 2019î de bajarê Çînî yê Wuhanî ra vejîya raşte bi lezûbez vila beno û pêroyê dinya gêro binê tesîrê xo. Badê Îran û Misirî, vîrus vilayê Îraqî zî bî. Wezîrîya Weşî ya Îraqî daye zanayene ke bajaranê cîya-cîyayan yê Îraqî de 6 kesanê bînan de Vîrusê Korona ameyo tespîtkerdene. Goreyê eşkerayîya Wezîrîya Weşî ya Îraqî, bajarê Necefî de 2 kesî, bajarê Besrayî de 2 kesî, Hewlêr de kesêk û bajarê Silêmanîyê de kesêk bi Vîrusê Korona kewtî.
Goreyê dayeyanê fermî yê Îraqî 60 kesan de Vîrusê Korona ameyo tespîtkerdene û 7 kesî cuya xo vindî kerdî.
