Cejna Newrozê dê îsal li gelek navendan li Kurdistanê bi şîara “Ji bo azadi yekiti demokrasiye werin Newroze” û li Tirkiyeyê jî “Ji bo demokrasî, edalet û azadiyê werin Newrozê” bê pîrozkirin.
Cejna Newrozê dê îsal li gelek navendan bi coşek mezin bê pîrozkirin. Şîara Newroza 2020’an diyar bû. Di Newroza îsal de dê balê bikişînin ser tecrîdkirina Rêberê PKK’ê Abdullah Ocalan û yekîtiya neteweya kurd. Newroz dê îsal li Kurdistanê bi şîara “Ji bo azadi yekiti demokrasiye werin Newrozê” û li Tirkiyeyê jî “Ji bo demokrasî, edalet û azadiyê werin Newrozê” bê pîrozkirin.
Sibê bi tevlêbûna Hevserokên Giştî yên HDP’ê Mithat Sincar û Pervin Buldan, Hevserokên KCD’ê Leyla Guven û Berdan Ozturk, Hevserokên Giştî yên DBP’ê Saliha Aydeniz û Keskin Bayindir û partiyên îtîfaqa kurd li Otelek Sûrê saet di 11.00’an de dê starta pîrozbahiya Newrozê bidin. AMED
