Îro li ser Komkujiya Helebçeyê re 32 sal derbas dibin. Di 16’ê adara 1988’an de rejîma Baas a Iraqê bajarê Helebçeyê kîmyabaran kir. Di encamê de 5 hezar kurd hatin qetilkirin û bi hezaran jî birîndar bûn. Her sal ji bo bîranîna şehîdên Helebçeyê merasîmên bîranînê tên lidarxistin. Lê îsal ji ber metirsiya belavbûna vîrûsa koronayê merasîmeke taybet nehate lidarxistin.
Malbatên şehîdan her sal bi komî serdana gorên şehîdan dikir. Lê metirsiya vîrûsê nehêla weke salên borî, merasîm were lidarxistin. Îro ji bo bîranîna şehîdên Helebçeyê serdanên ji bo goristana Helebçeyê gelek kêm bûn. Li ser gorên şehîdan tenê gul hatin danîn.
Xizmên qurbaniyan ên ku çûn serdana gorên xizmên xwe diyar kirin ku ji ber vîrûs koronayê merasîm hatiye betalkirin. Malbatan destnîşan kir ku Helebçeyê kurd bi cîhanê dan nasîn û bîranîn û zindîkirina şehîdan erka temamiya gelê kurd e. Malbatan destnîşan kir ku bi bîr anîna şehîdan erkeke exlaqî, neteweyî û niştimanî ye. HELEBÇE
