Merkezê Xeberan]
Vîrusê Korona (Covid-19) ke 12ê kanûna 2019î de bajarê Çînî yê Wuhanî ra vejîya raşte bi lezûbez vilayê pêroyê dinya bî. Rejîmê Îranî Vîrusê Korona (Covid-19) ra 85 hezar hepsîyan serbest vera da. Goreyê xebera Rojnameyê Duvarî rejîmê Îranî heta nika 85 hezar hepsîyanê edlî û sîyasî serbest vera da. Verfekê Edaletî Golam Huseyîn Îsmailî ard ziwan ke se ra 50ê hepsîyan asayîş vera ameyî tepiştene.
Hemsereka Partîya Demokratîke ya Şarana (HDP) Pervîn Buldane derheqê babete de serê hesabê xo yê medyaya komelkî de veng daye û selahîyetdaran ra waşte ke hepsîyê Tirkîya serbest bêrî veradayene.
