Merkezê Xeberan]
Wezîrê Weşîye Fahrettîn Kocayî vist vîrî ke 7 rojan verê cû înan nêweşo verên pare kerd û vat: “Vîrusê Korona ra nêweşêk merd. O bi xo 89 serre bi. Ey vîrus zî xebatkarêkê xo yê çînijî ra girewtbi.”
Kocayî ard ziwan ke tay nîşaneyanê vîrusî ra tay kesî îzlokerde yê û merdimê înan yenê kontrolkerdene û vat: ”Testan de 51 kesan de vîrus ame tesbîtkerdene. Hûmara pêroyî ya nêweşanê ma 98 a.”
Rojêke verê cû amebi parekerdene ke hûmara nêweşanê Korona 47 bî. 16ê adare de zî amebi vatene ke 18 kesî bivurîs ê.
