Wezareta Karên Hundirîn a Herêma Kurdistanê ji ber vîrûsa koronayê di 13’yê adarê de ji bo 48 saetan biryara qedexeya derketina derve dabû. Pişt re jî 72 saetan hatibû dirêjkirin. Niha jî bo 5 rojên din hate dirêjkirin.
Wezîrê Wezareta Karên Hundirîn a Herêma Federal a Kurdistanê Rêbaz Ehmed îro serdana Silêmaniyê kir û li gel waliyê Silêmaniyeyê û Meclisa Parêzgeha Silêmaniyeyê civiya. Pişt re daxuyanî da çapemeniyê. Ehmed diyar kir ku ji ber qedexeya çend rojên borî encama baş hebû û li ser daxwaza wezareta tenduristiyê 5 rojên din qedexe dirêj kirine.
Wê qedexe bi şev saet di 24.00’an dest pê bike û heta saet 24.00’an a roja 23’yê adarê berdewam bike. Rêbaz Ehmed diyar kir ku ger hinek kesan cihê kar an jî cihê çandiniyê hebin her çend rojan carekê dikarin bi destûrê serdan bikin.
Ehmed aşkera kir ku dahata hundirin a Herêma Kurdistanê nêzî sifrê bûye û vîrûsa koronayê bandor li ser aboriya hemû welatên cîhanê kiriye. Ehmed da zanîn ku dibe ku rastî krîza darayî werin. HEWLÊR
