Seke yeno zanayene Vîrusê Korona (Covid-19) ke 12ê kanûna 2019î de bajarê Çînî yê Wuhanî ra vejîya raşte û vilayê pêroyê dinya bî vera Newroza emserrî ameye betalkerdene. Coka ra do emşo pêroyê welatî de saet 20.20î de bi tafînayîşê çilayan, çaqmaqan, roşnayê telefonan, berzkerdişê tilîlî û deryan Newroze bêra bimbarekkerdene.
Derheqê babete de Hemserekê Partîya Demokratîke ya Şaran (HDP) yê Amedî Zeyyat Ceylanî qisey kerd û veng da herkesî ke emşo saet 20.20î de her ca de Newroze bimbarek bikerî û wina va: “Newroze seba ma xeylê muhîm a. Ma Vîrusê Korona ra Newroze betal kerd. Ma weşîya şarî fikirîyayî. Berpirsîyarîya ma esta ke ma weşîya şarî bipawî. Coka ra ma bimbarekkerdişanê bi girseyî betal kerd. Ganî ma weşîya xo, keyeyê û dormeyê xo bipawî. Ma veng danî şarî ke emşo saet 20.20î de cayê ke tedeyî de bi çoşêko gird Newroze bimbarek bikerî. Bimbarekkerdişanê emserrî de do dîmenêko heybetin bivejîyo raşte.” AMED
