Merkezê Xeberan]
Nêweşxaneyê Zerrî yê Unîversîteya Dîcle, semedê janê Vîrusê Koronayî (Kovid-19) ame vengkerdene û sey nêweşxaneyê Kovid-19î ame înakerdene. Nêweşxane de muracatê anjîyoyî dîyayî vindetene û nêweşê ke nêweşxane de bî ameyî tehlîyekerdene.
Testê xebatkarê weşîye pozîtîf vejîya
Çendêk verê Nêweşxaneyê Tibî yê Unîversîteya Dîcle de teknîkerê rontgenî wexto ke fîlmê qeseba sipîye yê rayvanêk ke Umre ra ameybî ant, nêweşî ci ra girewt û testê xebatkarê weşîye pozîtîf vejîya. Teknîkerê rontgenî rayvanê Umre ra vîrus girewt û ame zanayene ke teknîker nika beşê îzolasyonî de yeno tedawîkerdene. Heto bîn de ame tesdîqkerdene ke tehlukeyê cuye yê teknîkerî dewam keno.
Sewbîna zî ame zanayene ke Stenbol de 2 û Îzmîr de 2 doktorî bi vîrus kewtî.
