Seke yeno zanayene Vîrusê Korona (Kovîd-19) ke sere de bajarê Çînî yê Wuhana de vejîya raşte vilayê pêroyê dinya bî û beno. Amed de hemwelatijêk 49 serre ke testê ci yê Kovîd-19 pozîtîf vejîyabî, Nêweşxaneyê Perwerde û Cigêrayîşî yê Gazî Yaşargîlî de cuya xo vindî kerd. Ame vatene ke nêweşo/a ke cuya xo vindî kerdo/a 9 rojî yo ke nêweşxane de yeno/a dermankerdene. 48 kesê ke bi şikê Kovîd-19 yenî dermankerdene ra testê 3 kesan pozîtîf vejîya. 2 kesê bîn yê ke testê înan pozîtîf vejîya zî nêweşxane de yenî dermankerdene.
2 rojî verê zî Nêweşxaneyê Dewlete yê Erxenî yê Amedî de hemwelatijo/a ke tedawîya Vîrusê Korona vînayêne, cuya xo vindî kerdbî. AMED
