Merkezê Xeberan]
Bîlançoya Vîrusê Korona (Covid-19) ke pêroyê dinya girewto binê tesîrê xo roj bi roje giran bena. Pêroyê dinya de heta nika zêdeyê 33 hezar û 993 kesî Vîrusê Korona (Covid-19) ra merdî. Zêdeyê 723 hezar û 993 kesî zî bi vîrus kewtî. Pêroyê dinya de hûmara kesê ke aşma adare ra nata weş bîyî zî resaye 151 hezar û 804 kesan.
Welato ke tede tewr zaf nêweşê Korona estê DYA yo. DYA de goreyê doneyanê fermîyan 132 hezar û 637 kesî pê vîrusî kewtî. Înan ra 2 hezar û 351 kesî merdî, rewşa 2 hezar û 612 kesan zî baş bîye. Şêwirmendê Trumpî hîşyarî dabi ke beno ke DYA de Korona ra do 100-200 hezar merdimî bimirê.
Şanê şemeyî ra nata Uruguay, Sûrîye, Bolîvya, Malî û Zelandaya Newîye de reya verêne xeberê qurbananê vîrusî ameyî parekerdene.
