Hemşîre Ayla Balaça ke nêweşxaneyêk Stenbolî de wezîfe kerdêne bi Vîrusê Korona kewte û cuya xo vindî kerde. Ame zanayene ke Balaçe vîrus ra merda. Goreyê xeberan emke.orgî yê aîdê Ekîbê Xelisnayîşê Neteweyî yê Medîkalî Ayça Balaçe Vîrusê Korona ra cuya xo vindî kerda. Cenazeya Balaçî Stenbol de ameye definkerdene.
Parlamenterê CHPyî yê Yozgatî Alî Kevenî serê hesabê xo yê medyaya komelkî de dîyar kerd ke hemşîre Ayla Balaçe cuya xo vindî kerda û hîssanê xo ard ziwan ser. Kevenî keyeyê û heskerdoxanê Balaçe rê zî serweşî waşt.
Ame zanayene ke hemşîre Ayla Balaçe Yozgat ra ya. STENBOL
